بالتنظيم حياتي اجمل 🏠1
💜تنظيم الوقت مهم جدا للحياة عامه وللمجتمع ايضا ' كثير من النساء يكون وقتها مزحوم وتكون متعبه ومريضه وتزيد عصبيتها وتقصر بنفسها وبعلاقتها مع زوجها'
وتكثر انتقادات زوجها لها بإهمالها لنفسها وبيتها فتحبط وتنهار فتشكتي بعدة وجفاءة وانشغاله عنها
وندرك جميعا أهميه تنظيم الوقت واستغلالة بالشيء المفيد ، لتوفر وقت أكبر لقضاءه مع الزوج والاطفال وعشان تحصلين فرصه للاهتمام بنفسك وممارسة هواياتك وتحافظين ع صحتك الجسديه والنفسيه
(أول الخطوات المهمة الجدولة للاعمال راح تريحك كثيييير )
💜 لازم تبتعدي عن الملهيات مثل التلفاز والجوال والبرامج الي مراح تستفيدن منها شيء لانها فقط تضيع وقتك بلا فائده مرجوة
💜 صلي الفجر ولاتنسين اذكار وتدعين الله عزوجل ان يعينك
ويبارك لك بوقتك ' احتسبي الاجر بذلك واطلبي رضاء الله استقبلي يومك بتفاؤل وحسن ظن بالله '
💜 الكراكيب والاشياء الزايده وبنفس الوقت حلوه انصح تتبرعي فيها
والاشياء الي مافيها فايده ارميييها نهائي "
💜 افتحي دولايب غرفتك وجيبي سله حطي الاشياء البسيطه مثلا علب فارغه عطور كريمات اي شي مالك حاجه فيه ارميه
💜يجب الاهتمام بتهويه المنزل وفتح النوافذ وشغلي المراوح وانفضي كفر واغطية الاسرة او استبدالها اذا عندك كفر ثاني
💜 وامسحي اي غبره حاولي قدر الامكان التسريحه ماتكون مزحووومه ونظمي الادراج السحب بسلات تنظيم وللاكسسورات ، سلات هاديه وناعمه تقسم لك الامكان وترتب الاغراض
💜 اذا مسحتي الغبار وهويتي دولاب الملابس وتخلصتي من الزايد رتبي الملابس بشكل حلو وبخري الدولاب وانثري مسك ابيض عليهم وبخري الغرفه كامل
💜 تتوجهي لصاله وكذلك تشيلي الزوايد وتهوي البيت كامل وتحاولي تنسقي الوان فرايحيه
💜 والمطبخ وانتي فيه تطبخي رتبي اول باول وامسحي كل شي وتتوجهي بالترتيب وغرفه الاطفال تخلينهم يساعدونك بترتيب اسرتهم دولايبهم رمي الاغراض الزايده ثم تسبيحهم وتغسلي ملابسهم وتكوينها وتطبقيها بدولايبهم
💜اجعل اطفالك يشاركونك لتسليه وضحك وراح يعشقون التنظيم
💜بخري البيت وشغلي فواحات وشغلي ع القران واذكري ربك
💜 يجي دورك تكوووني مبسوطه انك انجزتي هذا يدل انجازز عظييم
💜 كافيء نفسك اشربي عصير تحبينه او زيت لشعرك او ماسك واي خلطه لجسمك
💜 جهزي ملابس هاديه والوانها حلوه وتجهزين حمام بخار داخل الحمام تصنفرين نفسك زين بهالوقت فرشي اسنانك وغسلي شعرك بنعوومه
💜 اهتمي بنفسك بدلع اذا خلصتي حطي مرطبات لجسمك والبسي تعطري وبخري نفسك والبسي بجامه او اي فستان هادي واسترخي تكوني نظفتي البيت كامل وشاركتي عيالك عشان ماتقولي ماعطيتهم وقت ودلعتي نفسك
💜يجب عليك تنظيم البيت اول باول مثلا اي شي مرمي ع الارض شيليه والملابس اكويهم وطبقي وانتي تطبخي
💜 اعتدمتي جدول اليوم راح يكون اكلنا الطبق الفلاني تجهزين مقاديره بدري وتكوني مجهزه حلا بارد بثلاجه على طول قبل تطلعين من المطبخ امسحي الفرن ورتبي الثلاجه
حطي لك علبه فيها كلور وفيري ومطهر تحطينها العلب بكل مكان'
💜 ولازم تدلعين نفسك حتى وانتي تشتغلي جهزي لك علبه بالمطبخ فيها صنفره ومرطب اذا خلصتي غسيل صنفري ورطبي والحمام كذلك
وتحطين باي مكان فاضي ورد وشموع' وراح تكون مملكتك هادية جميله ومنظمه ومريحه 💗
